陳展鵬認被迫「瞞肚」

在《城寨英雄》中與王君馨合作的陳展鵬，前晚出席沙田活動時正式宣布新婚太太單文柔懷孕大約三個月，並以「興奮、突然及喜悅」形容心情，全程笑不攏嘴的他直認奉子成婚：「好多朋友問我係咪有咗先結婚，定係一個月就搞掂，你估真係機器咩？放啲嘢入去就跌啲嘢出嚟，今次可以話一額汗，去英國影婚照時就發現（有喜）喇！」因要遵守長輩吩咐，所以被迫隱瞞。他說：「老婆恨生仔先，想有個仔傳宗接代，依家好似叫胡咁，話唔定三年抱兩！」另外，昨晚7時許，陳展鵬陪着老婆仔現身尖沙咀拍拖，正佗B的單文柔身材仍見纖瘦。