歌手張敬軒昨日到電台宣傳新歌《百年樹木》，指是《櫻花樹下》10周年的完結篇，問到MV中為何不做男主角？他笑說：「吳肇軒做得好咁多，都係『軒』啫！」還透露有意明年再開紅館騷：「依家準備入紙，但今次演唱會就會同樂團合作，暫時未知係同交響樂團定中樂團。預計係下半年，但好多人爭，我會盡力爭取。」他預告下隻碟會轉用美國及韓國的音樂班底，希望令香港音樂有更多國際影響力。
