每個人細個嘅時候都有夢想，可是當長大後夢想總係會離自己愈嚟愈遠。然而對一直忘記唔到初衷嘅人，雖然命運總會令自己偏離航道，卻始終會不斷向夢想邁進，就好似南韓模特兒李圭利咁，佢就為咗夢想而不斷努力向前。
擁有迷人樣貌同高挑火辣身材嘅李圭利，是先天模特兒質素嘅索女，因此成為模特兒可謂理所當然。不過圭利嘅夢想係做演員，細個時佢經常幻想自己如果係一位演員嘅話，會點樣演繹電影中嘅角色。為咗達成夢想，佢報考世宗大學嘅電影藝術學士學位，更成功入讀。喺讀書期間，好動嘅佢覺得要趁機擴闊視野，於是有朋友推薦佢到模特兒事務所兼職做Model，呢個不但係吸取工作經驗嘅好機會，同時亦可以讓佢見多啲世面，而憑住出眾嘅外形及優雅嘅舉止，成功獲得取錄，就咁開始佢嘅模特兒事業。
雖然只係兼職性質，但係圭利甫出道便得到大家嘅讚賞，甚至有商品搵佢擔任平面廣告模特兒。成功嘅第一步，對新進嘅模特兒嚟講，絕對係個好開始，而佢亦好好把握呢個難得嘅機會，努力同認真地工作，漸漸人氣愈嚟愈高。與此同時，佢被事務所安排以車模身份喺車展上亮相，如此青春又誘人嘅車模，試問又點可能唔成為場內嘅焦點呢？喺人氣極速爆發下，圭利決定成為職業模特兒。
頻頻喺多個大型車展上亮相嘅李圭利，可以話係南韓其中一位超人氣嘅車模，而為咗令模特兒領域擴展更大，佢踩入賽車女郎界，身高170cm嘅佢，擁有一對修長迷人美腿，配合埋性感嘅賽車女郎服，喺場上成為攝影師及龍友嘅爭拍對象。圭利嘅模特兒事業發展順利，唔少人都以為佢早已忘記咗夢想，事實上並非如此，挾住超高嘅人氣，佢參與電視台綜藝節目嘅演出，雖然好多時候只係群眾演員，但係憑住亮麗嘅外表同談吐得體，往往成為鏡頭嘅焦點。及後佢獲邀擔任電競活動嘅主持，成功開拓更加廣闊嘅未來。
此外，圭利獲得演出著名歌手MV嘅機會，雖然唔係做電影女主角，但係能夠擔任MV女主角已算係圓咗一半夢想。至於未來嘅發展，圭利希望可以一嘗拍戲嘅滋味，同時亦唔會放棄模特兒工作，咁祝阿妹可以如願以償啦！
簡介：李圭利一直獲得大家嘅支持，並非單憑外形就得，仲有佢不斷努力增值自己同口才了得，為咗成為最佳主持，佢向多位著名主持人請教，並且努力練習。如果大家想了解佢多啲，就要Click入呢個網站喇！
網址：http://cafe.daum.net/Leekyuri
出生地：首爾
身高：170cm
三圍：34-23-34
撰文：魂