自爆冧仔招朱韻韻婚期拖字訣
模特兒朱韻韻小時候已經憧憬結婚生B，但早就過了30歲的她至今仍然未有着落，她最難忘男朋友送上驚喜生日派對，亦試過為男友準備神秘禮物，冧爆對方。
曾經與余文樂傳緋聞的朱韻韻（Angel），為東網巨星炮製的節目「海馬牌床褥特約」《閨蜜睡房》擔任嘉賓，與主持李惠儀（Kiwi）暢談感情世界，過了30歲的她直認恨嫁：「由細到大我都好想結婚生BB，好童話，細個時覺得25、26歲就會生BB，過咗又會諗，咁30歲啦，依家就覺得順其自然，希望35歲啦！」她坦言鍾意生女，將來生兩個女最開心，她笑說：「如果生咗個仔，好容易令到媽咪喺街發癲咁鬧佢。」
驚喜慶生好開心
她又分享情史，試過有一年生日，男友之前一晚跟她食飯慶祝，之後又提議去飲嘢：「我估到佢會同我過十二點，點知去到個地方，望望吓點解啲人咁熟口面，連Zelia（鍾浠文）都喺度，仲有十幾個朋友，見餐廳掛晒氣球仲以為係咁，原來整好晒Happy Birthday Angel，係幾開心驚喜。」同樣她都識冧男友，有年男友生日，她特登搵一個有佢「Initial」的車牌，還有「520」（我愛你）數字，令對方大為感動。想知道更多Angel鮮為人知的秘密，千萬別錯過每逢星期五、六、日更新一集的《閨蜜睡房》！