佘詩曼胸前解放做主動李準基囉囉攣
佘詩曼罕有解放半球，以「胸湧」造型與韓星李準基同場，吸引大批途人及粉絲圍觀，逼爆銅鑼灣！李準基大讚阿佘魅力四射，令他大呼緊張！
韓星李準基襲港，昨日到銅鑼灣出席品牌新店開幕活動，同場有「嫻妃」佘詩曼、陳家樂、衛詩雅、湯怡及女子組合Super Girls成員Aka等。李準基人氣強勁，吸引大批粉絲塞爆街頭，甫出場即大擺Pose，又用英語向粉絲打招呼。同場晒半球的阿佘主動上前打招呼，李準基報以愛的抱抱！
準備粉絲見面會
李準基受訪時直言粉絲令他感動：「尋日喺機場見到大家接機，覺得好溫暖。嚟緊會準備粉絲見面會，明年會喺香港舉辦，感受到大家嘅熱情，真係要急切準備！」提到同場的阿佘，他讚不絕口：「佘詩曼係一位好有型嘅女演員，佢令我非常緊張，應該係我主動打招呼o架！咁樣會令我緊張，證明佢係一位魅力四射嘅人。」
想繼續做奸角
阿佘笑言要襯男主角李準基，所以性感上陣，並透露剛從南京回港，之後要赴昆明出席活動，挾《延禧攻略》的人氣四出吸金。提到入圍華鼎獎「電視劇最佳女配角」，她透露因工作關係，未必能趕及回港赴會，但很希望可以出席與「魏瓔珞」吳謹言再碰面，有傳《延禧》開拍時裝版，她說：「可以角色大兜亂，拍另一個故事。（唔做奸角，從良？）媽咪會唔鍾意睇，因為佢唔鍾意見個女畀人蝦。」
