張崇德開騷 囝囝返學校賣飛
歌手張崇基和張崇德昨日到新城電台宣傳11月底在伊館舉行的演唱會，二人表示剛為新歌《黑色笑話》拍攝MV：「好多年冇拍，導演對我哋好好，要我哋上山下海，仲要個樣好辛苦咁跑！」
談到張崇德太太劉美娟日前笑言自己上台就會搶鏡，他們指演唱會Rundown非常豐富，難以有嘉賓位或可以刪減的部分，因此家人未必會上台或在影片現身。張崇德又分享與子女的對話：「佢哋問點解我未開騷就成日出去，我話要宣傳，賣唔晒啲飛點算？阿女好樂觀，話會賣晒，阿仔就好Sweet，雖然佢有選擇性失語症，但都幫我拎單張返學校遞畀老師，賣咗幾張飛。」他大讚兒子勇敢，為自己做了件大事。