黃宗澤駁腳增高被笑企木箱！
荷里活男星Lee Pace首度來港拍劇集，昨日他現身記者會，同場的黃宗澤面對身高六呎五吋的Lee出蠱惑，穿上三吋增高鞋以縮減兩人身高差距，更笑言要叫導演安排二人拍坐低戲份！至於型爆坐跑車出場的馬國明，竟被困開篷車內，最後要當眾跳車。
由藝人苗僑偉、黃宗澤（Bosco）、吳卓羲（Ron）、馬國明及梁烈唯主演的邵氏網劇《飛虎之雷霆極戰》昨日舉行記者會，五位型男分別乘坐跑車出場，但卻發生蝦碌事件，馬明國乘坐開篷車出場時開不到車門，最後要跳出車，場面搞笑。
美食吸引來港
曾在《哈比人》（The Hobbit）系列中飾演精靈王的荷里活男星Lee Pace強勢加盟，現身記者會的他先以廣東話打招呼，並表示是首度來港及參與香港電視劇，問到是否被重酬吸引？他連忙說：「No！No！No！係香港嘅美食吸引我。我今次帶埋爸爸同行，一齊品嘗美食，好想食點心。如果有空檔，希望可以行山。（今次飾演咩角色？有咩難度？）我個角色亦正亦邪，好複雜，最大難度係我唔識中文，今日係第一次見同劇演員，好興奮又有少少緊張。」
馬國明「跳車」出場
劇中，Bosco跟Lee的對手戲最多，Lee身高六呎五吋，Bosco不諱言特別出動三吋增高鞋以縮短兩人身高差距，笑言：「搵咗好耐先搵到呢對鞋頂一頂。（Gel高啲頭髮？）再高就變成Punk頭，或者叫導演安排佢坐低嘅戲。」Ron聞言笑說：「必要時叫Bosco企木箱！」除了身高問題，Bosco又要苦練英語，揚言已找老師苦練，更緊張到失眠了幾個月！至於苗僑偉則拒絕在劇中騷肌：「夏天我唔介意，冬天會起雞皮。而且冇新鮮感，應該睇大場面同劇情。」
另外，被困車中的馬國明笑指自己少揸名車：「都幾好，逼我跳出嚟。」之前為劇集操肌的他，原來角色要有個大肚腩及體能差，他說：「我練錯方向，要睇吓點補救。」