「影迷」吳業坤要注意職業安全！
歌手吳業坤向來支持日本AV女優，早前有「暗黑林志玲」之稱的女優波多野結衣來港為電玩遊戲宣傳時，他就專誠捧場集郵！提到有女優確診愛滋病，他即問：「係邊個嚟o架？」問到可擔心偶像波多野有「安全問題」？他說：「我覺得每個人都要注意職業安全，要做好防禦措施！好似我做歌手咁，都好注重衞生，為咗防止體液傳染細菌，用咪前後都會抹吓，以免感冒病菌惹到人。」
至於早前揚言曾到日本拍AV的艾美琦（Amy）表示，拍AV前男女演員都要先提交驗身報告，如果患病女優仍能開工，製作團隊就有很大問題：「因為個流程錯晒，唔止個女優不負責任，製作公司都有問題！」至於染病女優被轟太遲公布健康狀況，Amy認為每個人都有權選擇是否公開病情，故不作評論。對於清水健爆在導演要求下舔「綠汁女優」，Amy指絕對有可能：「因為拍攝期間，就算病到嘔白泡，突然胃抽筋，只要導演唔叫停，都要繼續演落去！」
