美國著名男歌手John Mayer出名「冇口德」，愛寫歌「唱」舊愛之餘，亦曾公開講星級女友的床技，包括形容歌手前度Jessica Simpson是「性慾汽油彈」！他日前又嚟料，但今次是爆自己的性事！
John亮相社交網的直播節目並接受女演員Cazzie David訪問，被問到多條私人「性」問題，如有否聽着自己的歌自瀆，他回答從未試過這樣做：「在一個咩嘅世界裏，你會想像一個男人會聽住自己音樂自瀆？」Cazzie又問他的性伴有冇超過800人：「若然有嘅話就望住個鏡頭眨一下眼！」結果John睩大雙眼及反問對方：「如果我同少過500人上床，係咪會令你意外？係咪覺得我係一個好男人呢？」