翁嘉穗激嬲細仔諗計補鑊
前港姐冠軍翁嘉穗工作繁忙，早前與丈夫鄔友正到歐洲旅行。回港後，未有同行的細仔Kasper竟然「嬲嬲豬」，所以她準備稍後帶細仔去旅行補鑊。
翁嘉穗（Virginia）昨日出席龍皇酒家飲食集團主辦的「龍皇慈善壽宴」時，被問到大仔Jason早前在美國參加舉重比賽，勇奪世界賽青少年級別的冠軍，並打破兩項深蹲和硬舉的世界紀錄，她說：「原本想飛到當地同佢慶祝，但因為九月先去過一次美國，所以唔想飛得太密，惟有等佢12月回港先慶祝。」
提到現時忙於東華三院總理的工作，又要照顧細仔，是否很忙碌？她說：「之後都有好多項目，都忙(口架)！（忙裏偷閒安排假期？）有諗過帶埋細仔（Kasper）去馬爾代夫或者去日本。（唔同老公過二人世界？ ）啱啱去歐洲個幾月都冇帶細仔去，返到嚟陌生咗，佢都嬲嬲哋，叫佢嗌媽咪佢就嗌爹哋，所以今次都會帶埋佢去。」
陳嘉桓撩朋友搞生意
同場，藝人朱慧敏有份主演的劇集《珠光寶氣》重播，她說：「原來咁快已經十年喇！（你冇變過！）多謝！其實心境開朗自然就靚，同埋我依家又有打坐又禪修。」另外，藝人陳嘉桓透露想搞小生意：「有問朋友不如一齊搞小生意。（投資幾多？）預計五、六位數先，有朋友叫我開餐廳，其實做寵物嘢都得。」她又透露正處理一件關於工作上的大事：「想試吓唔同嘅嘢，就快傾好，希望下個月生日前可以搞掂。」而上星期生日的藝人兼東華三院主席王賢誌，被問到另一半有何表示，他說：「佢送咗個無線Headset畀我，不過都咁多年唔使話要送啲咩。」
