SG校園騷就住郁驚走光

組合Super Girls（SG）昨日四缺一到新城電台接受訪問，成員Cheronna則因發燒缺席，Yanny「自首」懷疑是自己傳染她：「叫佢唔好飲我碗湯，我病緊，佢又話自己好健康唔怕，都話會小器，一講就病。」不過，她們亦指Cheronna日前參加渡海泳，可能抵抗力變差所致。問對方是否由男友照顧？她們笑說：「應該係，尋晚先同佢兩個食飯，佢哋好癡纏。」另外，她們表示連日為新歌排舞，為在大學演出做準備，而每次做校園騷，都感到學生很熱情，但有時因距離好近，令她們甚為緊張，怕動作太大會走光。講到有SG身份又可作個人發展，她們說：「好開心o架！好似打兩份工咁，希望再多啲秘撈工作。」不過，她們坦言初出道時好窮，現時終等到收成期。