楊玉梅爆選美秘聞「冇眉娘」被當透明

最新一集東網巨星炮製的節目「海馬牌床褥特約」《閨蜜睡房》，邀請到楊玉梅（Strawberry）跟主持李惠儀（Kiwi）傾密偈。她透露參選亞姐並非自願，而是敵不過模特兒公司日日「奪命追魂Call」，才讓對方填表報名，想不到竟成功入圍，之後更成為搶手演員，連吳君如亦讚她比自己紅：「十大好出名嘅導演，我拍過七個o架啦！嗰時君如有九組戲，佢去到邊組都見到我，話我唔使瞓！」

自制唔准過100磅

忙碌背後，Strawberry直言沒時間休息，即使遇上小意外時，忍不住向公司哭訴拍不下去，但結果仍是速速看完醫生就返回工作崗位。還好她並沒有捱殘，連網民都驚嘆其樣子多年來也冇變過，只是比選美時瘦了約10磅：「我唔畀自己肥過100磅，因為上鏡會肥好多。做演員最基本嘅，就係唔好令人覺得你好難睇。」她笑言當年在化妝間，有位PA察覺不到一位亞姐的存在，原來因為對方未畫眉：「呢個笑話喺ATV傳咗好耐！」想知道更多Strawberry遇過的辛酸史和趣事？千萬別錯過每逢星期五、六、日更新一集的《閨蜜睡房》！