莊思敏被放飛機唔鬼搞P
藝人莊思敏昨日以大使身份到尖沙咀出席電競賽車挑戰賽記者會，其酒吧亦會派人參賽，問會否落場？她自嘲打機水準一般：「我會撞到飛起，始終打機係20歲男仔叻啲，我賽真車叻都冇幫助。電競賽車會好暈，試過玩兩、三個圈就暈，可能女仔打機弱啲。」
她又透露月底很忙，31日要返馬來西亞陪家人，故沒有時間慶祝萬聖節：「今年唔Cosplay喇！可能人大咗，身邊朋友都唔玩Party，試過開P竟然半場人放飛機，因為佢哋唔想Cosplay，但唔Cosplay入場費貴啲，於是索性唔到，搞到我要包底，以後唔再搞P喇！」