郭富城周潤發角色大兜亂

影帝郭富城、孫佳君、周家怡、張松枝及張建聲前晚到銅鑼灣為電影《無雙》謝票，城城很開心該片香港票房邁向3,000萬，並大讚現場觀眾看得投入，反應熱烈。他笑說：「希望電影公司聽到我哋嘅聲音，都係求餐食，慶功唔怕多，最緊要開心！（慶功你會請客？）冇問題，開埋演唱會，我私人請大家！」問到是否有信心票房打破之前主演的《寒戰II》紀錄？他說：「內地方面已經破咗，依家《無雙》已經收11億幾，警匪片類型都有咁嘅成績，係導演莊文強功力。」