黃翊霉想當年逆境頂硬上

黃翊將於10月23日在九展舉行入行32年來的首個個人演唱會《黃翊最愛的你演唱會》，日前他與前歌手兼經理人鄭瑞芬（Fanny）一同接受訪問時，大唱懷舊金曲及想當年。Fanny笑言：「黃翊好似同我係同屆新人，但又好似唔係，因為佢唔同我哋玩，佢嗰時寸寸哋。」他即反擊：「你會唔會係覺得我未夠級數同你哋玩？」二人坦言退出樂壇後才變得熟落，當年他們都住西貢，之後因Fanny結婚，有一段長時間沒聯絡，但後來二人又一齊住大埔，再次聯絡。

唔計錢感情行先

本來二人離開樂壇後變得平淡，黃翊亦成為大牌檔老闆，至去年無綫邀請他演出《流行經典50強》，外界反應熱烈，Fanny表示：「好多人問佢唱唔唱歌、開唔開演唱會，記得有次有公司搵佢傾簽約，佢叫我幫手一齊聽畀意見，之後佢同太太（陳存正）就想我繼續幫佢傾做音樂嘅嘢，開頭佢話要計番佣畀我，但其實我哋到依家都冇簽約，係用情去連繫合作夥伴關係。」問到擔不擔心有錢銀瓜葛？黃翊說：「講真有幾多錢，最緊要係好玩。」

提到他出道時被封為「張國榮接班人」，後來因拍拖被雪藏，到淡出轉行經營大牌檔，近年太太又患腎病，經歷人生高低的他仍一一捱過，被記者讚正能量爆燈，但他謙稱：「只係人生條路好似整定咗畀你咁，行到嗰度突然有啲咁嘅事發生，我只不過順住行，唔好咁易氣餒，加上我有好多責任，有仔同老婆，又要做生意，基本上係頂硬上。到依家唱番歌，Timing係幾好，舖頭生意上咗軌道，個仔又大，只係太太身體呢一年差，開頭比較難捱，但我同自己講唔辛苦，有機會畀我做番鍾意嘅嘢一定要Enjoy，所以依家最難嘅難關已經過咗，樣樣嘢愈嚟愈穩定。」

黃翊與鄭瑞芬唱Ｋ鬥大聲，互不相讓。

黃翊有大膽舞步，明顯硬晒軚。

靚女伴舞尷尬

此外，黃翊昨日為九展騷排舞，笑言排舞老師體貼地安排了4名靚女舞蹈員：「有啲歌有少少性感，會摸吓佢哋嘅body，我有啲尷尬，好怕醜。」問到太太可有呷醋？他指對方仍在醫院留醫：「我要專注喺個騷，同埋抽時間探佢，畀正能量佢，其他就交畀醫生。」

場地：MegaBox CEO