楊埕光頭Look拍劇陳約臨靠把口搵食
不少女星經選美加入娛樂圈，當中楊埕、陳約臨、王詠珩和黃嘉雯曾先後代表香港參加「國際小姐」，四位靚女更老友鬼鬼。當中曾贏得「亞洲皇后」的陳約臨主攻主持界，更將擔任2020年東京奧運主持。至於楊埕亦憑甜美外貌有份參與熱播劇《再創世紀》，在另一新劇更大膽「光頭」上陣！
2016年「國際小姐」代表陳約臨（Kelly）與無綫簽約後，除主持旅遊節目《3日2夜》及體育節目，又有份擔任2020年東京奧運主持，她希望繼續在主持界發展：「依家為奧運備戰學緊日文，之前喺日本選美時已經學咗少少，學多個語言對自己有好處。」除了幕前工作，Kelly也經營紅酒生意，希望成為紅酒界女強人：「除咗幕前，幕後都想有自己嘅生意，覺得現今社會要裝備好自己，先有人欣賞你。」
選美變大膽
而楊埕（Sabrina）就向劇集發展，在《再創世紀》飾演周勵淇的秘書「王子琳」，Sabrina於2015年代表香港出賽，曾參選港姐的她選美經驗豐富，認為兩個比賽差異在於文化：「參加國際小姐，大家文化唔一致，主要多講自己同香港嘅嘢，要學Catwalk，連化妝、Set頭都係一手一腳搞；至於港姐就考急才。」她自言較內向，選美令言行和想法都大膽得多：「依家發展演藝事業，更加唔可以驚，好感謝有選美呢個經驗。」她更大膽到在未播出的新劇《白色強人》中破格以光頭造型亮相！
黃嘉雯重燃戲癮
而應屆香港代表黃嘉雯有五年模特兒經驗，比賽後重燃演戲之火：「依家拍緊網劇，希望趁青春發展夢想。」過往港姐季軍均代表香港參選國際小姐，但於2015年起轉由「澳門選美連盟」選出香港區代表，與多個國家佳麗比賽。
場地：Mercedes me