盛品儒夫婦的好友、前天氣女郎黃婉曼與前DJ瑪姬獲悉孖B出世後，紛紛送上祝福。問到同是媽媽級的黃婉曼會否分享湊B心得，她說：「BB成長好多意想唔到嘅細節，自己初初都係新手媽媽，有憂慮嘅時候，通常唔同人有唔同門派嘅意見，最緊要心情放輕鬆，大人同小朋友都會開心啲。」她又讚蔡一鳳佗B時不停飛到外地公幹，十分硬淨，希望對方趁這段時間休息，享受做父母的開心時光。
而瑪姬表示朋友圈一早知道他們有孖B：「佢哋唔想咁快話畀人知，作為朋友都要保守秘密，佢哋兩個都咁靚，BB一定遺傳優秀嘅基因。」她指8月時與蔡一鳳出席晚宴，知道對方之後坐夜機飛日本，兩星期後又再飛，笑言戥對方緊張。