洪朝豐虛驚：癌症冇復發
前DJ洪朝豐去年證實患舌癌及淋巴癌，一直積極面對病患，上月因為右頸的淋巴核腫脹，一度懷疑是否癌症復發。昨日他在姪女陪同下見醫生，他說：「醫生話唔明顯係一個腫瘤，冇擴散到，算係一個好消息嚟！」之前他做過正電子掃描，檢查結果指淋巴核對注入的有輻射葡萄糖水吸收並不活躍，他說：「依家問題唔大，現階段唔係復發，唔需要抽活組織化驗，我淋巴核有1cm大，如果愈嚟愈大就要擔心，反而醫生發現我小腸入面有啲位置，對嗰啲葡萄糖水吸收有啲反應，所以寫咗信畀我去外科排期再跟進。」
洪朝豐坦言心情平靜，當然開心冇事，目前他籌備兩本書，一本是11年前已出過有關他的抑鬱狂躁症的新版，另一本是有關舌癌及淋巴癌的書，希望給病患者鼓勵及支持。