吳嘉熙鴛鴦渡海泳講金又講心
首次參加渡海泳的歌手吳嘉熙，連日來加緊練水，屆時她跟男友黃奕晨會拍拖孖住游，她笑言不會閃婚嚇壞人，目前大家要先為事業奮鬥，冇錢完全不會諗結婚。
組合Super Girls（SG）的吳嘉熙（Cheronna）趁年底30歲前，決定要挑戰自己報名參加渡海泳，經過水試過關後，早前她到海灘實地練水，她說：「如果比賽當日順流，應該唔大問題，如果逆流就好慢囉！」
盡量唔失散
男友黃奕晨更陪她一齊參加，問會否跟男友鬥快游？她說：「水試嗰日已經比咗賽，結果唔好問啦！應該係平手，真正比賽時盡量孖住游，應該唔會失散嘅！」她好期待當日大群人一齊游水，感覺會好玩，希望年年都可以參加。問如果贏到三甲她是否要結婚？她笑說：「啱啱先拍拖，嚇死人，大家想搵錢先，錢都未搵掂仲諗結婚，太繁忙啦！」
Aka宅女遇跑男
而SG昨日四缺一到電台受訪，成員Heidi受港鐵故障影響而缺席，其餘四女也差點遲到，過程相當驚險，獲男友接載到場的Cheronna透露早上眾女於手機群組求救，表示電召車久未到達，她說：「Jessica同Yanny都話未有車，但我只能二選一去接一個，最後就接咗Jessica，好在都趕得切節目開始前到。」Yanny坦言出門前未有睇新聞，不知交通情況如此癱瘓，幸最後也順利趕到。
隊長Aka對緋聞舊愛吳業坤又有緋聞，她笑指不明為何自己不惹緋聞：「可能我太宅，成日練跑，公司最近幫我報咗名跑啲慈善賽，好在都有啲男仔約我一齊跑。」