歐陽巧瑩被爆未婚生B？

藝人歐陽巧瑩與林師傑將於下月22日結婚，昨日有讀者爆料指兩人早已有小朋友，對於這個傳聞，歐陽巧瑩否認：「我哋一齊幾年咋喎，咁恐怖？鬼古嚟㗎！不過，都好吖，唔使生仔咁辛苦，就有個小朋友，幻想吓都好。」

她還笑言與林師傑經常出席活動，冇突然消失過，懷孕怎會不讓人發現？對於今次傳聞會否覺得是惡作劇？她說：「幾得意吖，我哋都有諗過生小朋友嘅問題，但大家都叫我哋唔好咁快生，過一、兩年二人世界先，因有小朋友嘅話，啲心思就會去晒小朋友度。」