朱慧敏懂「性」要帶眼識人

藝人朱慧敏前晚到電台接受好友鄭啟泰及林祖輝訪問，講到節目內容圍繞性知識，她抵死笑說：「上嚟跟兩位哥哥學嘢，健康地分享就唔會忌諱，叫兩位哥哥畀啲意見我呢啲咁純真嘅少女，要小心啲帶眼識人。」問是否與之前拍拖經歷有關？她澄清指男女想法不同，自己比較着重家庭：「一齊拍拖就係想步向結婚，但或者對方未必咁諗，帶眼識人係指呢一個Point，人大咗拍拖就變得謹慎。」