Kary弗到漏全靠餵奶收身
32歲人妻吳雨霏（Kary）自6月誕下愛兒Asher後，昨日首度現身公開活動，同場還有歌手連詩雅、名模Cara G.等。
身形勁Fit的Kary表示仍要多減3、4磅才追回最Fit時期，笑言最有效收身法是餵人奶，亦對BB最健康，轉眼間兒子已4個月大，昨天首度離開BB去工作，她直言分開10分鐘已經好掛住BB。被取笑難以復工？她說：「係好難，但都要攞個平衡，要學識放手嘅！」她亦讚老公一百分，平時多是他幫BB沖涼。
問到閨蜜鄧麗欣（Stephy）可有探過BB？她說：「見過喇！（同男友王子一齊？）係呀，佢哋分唔開㗎！（叫佢哋快啲生番個？）有呀，佢哋笑囉！」Stephy已經待嫁到台灣，所以在當地開舖？Kary都忍不住笑說：「諗定後路。」