馮盈盈羨慕姊妹嫁得好
新婚的藝人陳展鵬與單文柔（Phoebe）前晚在中環舉行派對，與圈中朋友慶祝。兩人冒雨拖實到埗，Phoebe笑言尚未習慣被叫「陳太」，展鵬則讚太太廚藝了得，又解釋為何婚宴後兩日再開P：「我以前好多時都答唔到去唔去到飲，搞Party就Casual好多，台前幕後可以嚟一陣就走。（不醉無歸？）我唔叻飲，但可以試吓，好耐冇醉過。」又表示揀選胡杏兒老公Philip的餐廳因與兩人稔熟，方便之餘還有友情價。
Phoebe昨日受訪表示玩得盡興，但仍有「失策位」：「冇安排攝影師，好多相係朋友用手機影咗畀番我哋咋！（有咩難忘位？）個布置仲係杏兒幫我哋整，真係好靚！最特別係安排咗一隻放咗酒嘅海盜船，點埋蠟燭好有氣氛！」
至於到賀嘉賓包括王君馨、陳山聰、黃心穎、袁偉豪、馮盈盈、麥明詩、何雁詩與鄭俊弘等，懷孕七個多月的張名雅帶埋老公到場。馮盈盈被問到有否羨慕好友早婚？她說：「唔係羨慕嫁得早，係嫁得好，搵到個啱嘅人。（你都有男友！）仲要觀察吓！」
