宣布喜訊的趙麗穎與馮紹峰，一直有指因拍攝電影《西遊記之女兒國》而撻着，有份投資該片的電影公司老闆王海峰昨日接受電話訪問時，坦言昨晨已接到他們報喜：「佢哋今朝打畀我，之後會約食飯。（會唔會問佢哋收番封媒人利是？）唔關事嘅！有緣人嘅話，佢哋是但拍邊部戲，或者唔需要拍戲都可以喺埋一齊。（有傳趙麗穎有喜，佢哋有冇同你講雙喜臨門？）冇喎！好早打嚟，我都未瞓醒。」
至於兩人有否打算擺喜酒及諗過送甚麼禮物給一對新人？王海峰則說：「佢哋冇講，如果佢哋擺酒會通知，到時先諗送乜嘢啦！」