孖洪卓立反擊負評 吳浩康：唔使女友錢
歌手洪卓立（Ken）和吳浩康（Deep）前晚在麥花臣場館開騷，獲老闆楊受成夫婦、Ken女友湯怡、張惠雅及Deep爸爸等捧場。其中一個環節反擊網友的負評，例如有人指Deep之前的女友很有錢，他反擊：「佢有錢，唔代表要使佢錢。」
感動喊唔停
而屢傳死訊的Ken苦笑說：「其實唔知點樣澄清，但我知道屋企人好唔開心，擔心個仔做呢行畀人蝦，而且係咪得罪人。」
唱到《帶着骨灰去旅行》，Ken喊到唱唔到，Deep即幫唱一段。他謂記得Deep多年前的一句話：「喺後台時我發台瘟唔舒服，佢就同我講『只要你覺得身體得，你就得』，佢強到用信念可以控制身體任何部分。」
騷後受訪時，Ken提到《帶》曲播出的相片令女友睇到喊，他說：「我唔想畫公仔畫出腸，所以揀咗同佢去旅行但冇佢嘅相，呢樣我冇同佢講，但成功令佢喊。」為何沒公開多謝女友？他笑言：「在心中啦。」問到Deep被指用女友錢是否很冤屈？他說：「唔係嘅，大家可以問番我之前嘅每一個女友，分手後有冇錢銀瓜葛，我好有信心。」