為開騷苦練歌舞 關智斌張致恒拚埋老命！
組合BOYZ成員關智斌（Kenny）與張致恒（Steven）將合體開騷，兩人前晚現身活動時透露正積極排舞及練歌，問到能否做側手翻？Kenny自言乜都得，Steven補充：「我對佢有信心，雖然佢老咗，但我哋今次演唱會花咗好多時間練習，一日練十幾個鐘，拚埋老命。」
提到宣傳演唱會的短片令Kenny的豪宅曝光，他說：「真係稱唔上豪宅，會畀住豪宅嘅人笑，只係有品味嘅裝修。（花幾位數買？）唔記得，裝修用咗六位數。（裝修有冇問張敬軒意見？）佢同我唔同Style。」兩人表示門票在開售首天早上已售罄：「唔係唔想加場，但好多地方都有人做騷，搵到呢個場已經好開心，加唔到場，惟有時間加長，哈哈！我哋今次玩校園風會着校服，都叫粉絲着校服嚟。」