林奕匡港九Busking唱到冇得停

歌手林奕匡昨日坐麵包車及帶氣球到港九作「Busking tour」，宣傳下月舉行的個唱，由銅鑼灣直踩落尖沙咀、九龍塘及旺角，由朝唱到太陽落山，但銅鑼灣站只唱了兩首便快閃離場，他說：「首次一日內唱咁多場Busking，以前最多都係兩個站，今晚仲要錄音。（唱到冇氣？）唔會！反而最近工作忙唔夠時間休息，要小心保聲。下次有機會都想試吓喺山頂唱。」
Busking畀人圍，林奕匡唱完兩首即快閃。
Busking畀人圍，林奕匡唱完兩首即快閃。

問到可會想到外地Busking？林奕匡說：「喺外國自己冇身份，但都想喺紐約時代廣場，用英文唱我啲廣東歌。」又指宣傳個唱已忙到沒有時間緊張，提到嘉賓即笑說：「如果有個我唔知佢會嚟嘅嘉賓出現就正，但應該唔會發生。」

林奕匡自彈自唱，順便為個唱當熱身。
  • 林奕匡自彈自唱，順便為個唱當熱身。