娶到劉佩玥！胡鴻鈞錫啖就滿足

無綫小花劉佩玥（Moon）、胡鴻鈞、劉溫馨與朱智賢等昨午到牛池灣拍攝新劇《救妻同學會》，劇中胡鴻鈞終有機會與Moon「結為一對」，他搞笑說：「我哋經過咗《殭》同《降魔的》都冇得喺埋一齊，嚟到今次終於做兩公婆，等咗500年喇！」談到有否親熱戲，他竟表示「真係冇乜」：「最多都係蜻蜓點水式錫，但我覺得咁樣就夠！（驚有人呷醋？）我理得佢私生活，只係有冇劇情需要啫！」又笑言雖暫未有「愛情動作戲」，但有機會展身手：「為咗救Moon，其中一場戲要跳上架行緊嘅車，本來都驚嘅，但後嚟又OK喎！」而Moon亦讚他身手不錯。