《光豬舞壯士》（Magic Mike）38歲美國男星Channing Tatum今年4月與Jenna Dewan結束9年婚姻後，最近與30歲英國女歌手Jessie J被爆拍拖：「佢哋最近成日一齊，Channing好開心可以見Jessie。Jessie最近巡迴緊，但Channing好有興趣加深認識，唔介意跟住女方。Channing花咗好多心機，想盡量陪多啲Jessie，佢好享受過程，想睇吓兩人可唔可以順利發展，佢以前已經識得Jessie，一路都覺得對方好有才華。」
上周末，二人被目擊在西雅圖一間餐廳拍拖，在場人士表示：「佢哋冇咀或者親熱，但絕對似一對情侶。佢哋一路向對方微笑，盡量保持低調。」Jessie於2015年MTV電影頒獎禮曾向Channing頒發「最佳喜劇演出」。