聶安達等位飲茶識咗李小龍
外籍藝人聶安達出道多年，參演過不少令人留下深刻印象的經典作品，日前他接受東網巨星節目訪問，大談與功夫巨星李小龍拍攝電影《猛龍過江》的趣事，又自爆最愛的演員是影帝劉青雲，令其感受到拍劇的溫暖。
在香港長大的聶安達（Anders Nelsson），能說一口流利廣東話，因而獲得不少拍攝機會。最令他難忘是與已故功夫巨星李小龍拍攝電影《猛龍過江》，實乃機緣巧合：「有一次飲茶等位時撞到李小龍嘅細佬，佢就叫我一齊坐，點知一坐低，隔籬就係偶像李小龍，仲記得嗰時自己緊張到咩都講唔到。之後佢就問我聽日得唔得閒，我震住講話得，點會有人敢拒絕佢。」
聶安達讚賞李小龍為人親切，亦給予他演出機會：「第一日佢就話畀個角色我，當時要拎起支棍打佢，最終當然好快就畀佢打低，個鏡頭就影住小龍好威猛嘅甫士，我就喺佢後面，亦變成電影嘅poster，啲人就開始認識我。」
劉青雲義助出貓
除了能夠與李小龍合作外，聶安達還感激從影以來得到很多人的幫助，才令他有信心演出。他自爆最愛的演員是影帝劉青雲，全因他為人沒有架子，合作相當開心：「有一場我同佢嘅對手戲，啲對白係好複雜同難講，之後青雲就叫我將張貓紙貼喺佢額頭，我完全冇諗過佢大明星都肯咁幫我，令我覺得好溫暖。」
https://bit.ly/2C7IeWr