接劉以達怪招勞浩羽當考牌

影壇新人勞浩羽（Jeffrey）日前出席電影《笑林寺》煞科宴，首次拍戲的他非常幸運，皆因劇情是圍繞其角色發展，變相成了男主角，獲農夫、衛詩雅、劉以達等群星拱照，Jeffrey笑說：「係圍繞個角色啫！不過今次都好開心，同劉以達對手戲多。（佢咁搞笑，你會唔會接唔到佢嘅對白？）真係好多時忍唔到笑，好在到真係埋位時唔係好多NG，佢角色係Free style可以成日爆肚，拍時都要自己執生，考牌咁，開心導演都收貨。」更指稍後將與影帝郭富城合作新片，飾演髮型師助理的他，與城城不乏對手戲，他說：「非常之緊張，所以要睇熟劇本對白先開工。」