陳偉琪天昏地暗打走負能量
陳偉琪學習泰拳已經兩年，最近開始玩Lights Out Boxing，在黑暗中跟着強勁音樂節拍揮拳，很有減壓之效，她說：「嬲嘅時候更拳拳有力，打拳好幫助到宣洩情緒。」
藝人陳偉琪（Vicky）一身古銅色皮膚，單是外表便看得出她喜愛運動。學了兩年泰拳的她，最近開始玩Lights Out Boxing，她說：「顧名思義係喺黑暗環境打拳，打拳時候仲會配合好強勁嘅音樂，好好玩、好開心。每個人都有唔開心時候，特別喺嬲嘅時候更加拳拳有力，打完拳幫助到宣洩情緒，打完好有正能量。」
陳偉琪指最初學拳擊，媽媽也擔心她會變得粗魯、容易忟憎，但實情卻剛好相反，運動可以抒發情緒，做人更正面積極，她說：「打拳已經變成我life style，出一身汗好減壓，女士打拳唔單止體形弗咗，仲會覺得自己有力量、能幹，自信都會增加。」
打拳唔會大隻？
女士們可能擔憂打拳會變大隻妹，陳偉琪說：「打拳唔會大隻，反而好難大隻，最緊要注重均衡飲食，身體會變得結實、有線條。」她更希望參加比賽，首要是練好基本功，之前也有去泰國上堂，與一眾來自世界各地的泰拳愛好者學習，感覺好像一個大家庭。
場地：Lights Out Boxing Club