驚喜P賀壽黃美棋送大疊「金牛」氹男友

藝人黃美棋男友鍾健威（Ray）昨日牛一，前晚她為對方安排驚喜派對：「佢真係唔知！但估到我有神秘嘢送畀佢。」透露先跟男友撐枱腳慶祝，再跟好友夾定在餐廳另一邊準備派對：「當我哋食飽飽，Ray突然見到班朋友林奕匡（Phil）夫婦、劉明軒等出現，好驚喜！Phil雖然籌備音樂會好忙，但都專登出席，仲踏正十二點唱生日歌畀佢聽！」至於美棋特別訂造黐滿「金牛」的蛋糕給男友，她笑說：「大家見到個蛋糕都話勁，希望佢賺錢賺到笑騎騎！（送佢咩禮物？）佢已經同我講明唔好亂嘥錢，幫我諗埋送乜，就係車Cam！（果然係好女友！）唔敢講係咪，呢排我哋都忙，盡能力做到幾多得幾多。」