胡鴻鈞入行呃飯食畀女請吔蕉！
歌手胡鴻鈞（Hubert）、譚杏藍、羅孝勇、王梓軒與陳偉成等昨日獲邀出席校花校草選舉記者會，Hubert自嘲外表與內涵全都欠奉，能夠進入娛樂圈：「都係好神奇嘅事。」
讀男校的Hubert笑言當年絕不是校草，自覺沒外表亦欠內涵，想不到現時竟有機會參與。問到當年可有往隔籬學校等校花放學？他笑說：「冇！嗰陣放學就返屋企，一係就去打籃球。」但自爆轉校後有女同學追他，還每朝送蕉：「可能想我身體健康！又試過收好大個蛋糕，咁當然同同學一齊分享。（邊個送？）有問過人，知道係隔籬班女同學，咁我有同佢講唔好再送，因為當時已有女友。（佢有冇嬲你？）之後佢冇送嘢喇，亦再冇理我。」
講到選校草校花有何準則？他說：「可能人長大咗，唔一定要睇外表，內涵都好重要！外表會睇厭，有才華散發出嚟先吸引。」身為實力派的他又不忘自嘲：「我冇外表、冇內涵，呃飯食！所以食到呢行飯都係好神奇嘅事。」
譚杏藍濕疹爆發
譚杏藍（小花）亦笑言未做過校花，又開心透露12月21日終於在九展開音樂會，並推出EP碟，現只欠一首歌便錄畢。不過可能工作壓力大，她表示日前突然濕疹爆發，更險些由頸向面部蔓延，嚇得她大喊一場，有朋友即提議她去「刮痧」，完成後真的退了不少，承認可能工作太緊張之故。問到可有請男友為音樂會出力？她說：「佢畀意見居多，上台唔好啦！我想佢輕輕鬆鬆睇騷，完咗畀番意見我就得。」
