「全民小鮮肉」姜濤彈起孭兩劇

姜濤憑《全民造星》彈起，備受力捧。

「ViuTV 2019年節目發布會」昨日在九展舉行，宣布明年的綜藝節目、實況娛樂節目、外購劇集及節目等安排。劇集方面，包括鄧萃雯及陳錦鴻主演的《婚內情》、鄭少秋與陶大宇的《詭探前傳》、陳秀雯夥拍廖啟智的《教束》、盧海鵬及游學修的《仇老爺爺》及周國賢主演的《Reboot重新啟動》，而久休復出的景黛音則與《Good Night Show全民造星》的姜濤及Anson Kong合演《退休女皇》，姜濤同時會與《全》成員Anson Lo、Ian及Lokman拍攝偶像劇《信任的遊戲》。陳秀雯、盧海鵬、游學修、周國賢等均有現身發布會以示支持，但景黛音未有受訪。

未諗會否簽約

講到首次拍劇就起雙飛，姜濤說：「驚做得唔好令大家失望，但我會做好啲。」問到拍住前輩可有壓力？他說：「有，所以成日請教佢哋，拍完一個Shot會問佢哋邊度做得唔好。」問到是否已與ViuTV簽約？他說：「未，完咗比賽再考慮。（你勝券在握？）好多人支持，好大壓力，所以抱平常心，唔係一定要贏。（輸咗都兩劇在身好老定？）唔係，做藝人要有危機意識。」

景黛音	陳秀雯、游學修、盧海鵬、周國賢等齊齊為劇集造勢。	放大圖片

• 黃丹虹與樊沛珈（左）爭做「廣告女皇」。

陳秀雯表示今次拍劇很過癮，感到新鮮，合作班底都是年輕人：「本身以為夾起上嚟有代溝，但發現佢哋有自己嘅做嘢方法。（即係冇代溝？）冇，我思想年輕。」問到之後可有意重返無綫拍劇？她說：「冇諗咁多，只係希望拍到好睇嘅嘢。」而新節目《Good Night Show廣告女皇》參賽者亦有表演，其中黃丹虹低胸上陣搶晒鏡。ViuTV製作部副總裁金廣誠被問到力捧姜濤，他說：「我哋有Casting，畀監製、導演同景黛音睇，佢哋話想搵呢個。（簽佢？）完咗比賽再細讀。」