菊梓喬被嘲中女扮少女
歌手菊梓喬（Hana）昨日到電台宣傳新歌《只想與你再一起》，於MV內與《#後生仔傾吓偈》的林正峰合演情侶，現年31歲的她笑言差不多大對方10年，問到現實中可否接受姊弟戀？她說：「覺得愛係冇分界限，真心鍾意就可以一齊。（試過姊弟戀？）又冇。（鍾意成熟定嫩口？）冇分，睇夾唔夾，有Feel就得。」
她又大呻「冇人追」，但不心急拍拖，想先專注事業，待「Deadline」再算：「如果到4字頭都冇就會特登出去搵，例如相睇。」講到擁童顏的她就算40歲也未必看得出，她笑言：「近排有朋友Send畀我睇，有啲網友話我中女扮少女。（嬲？）唔嬲，初出道嗰陣會有啲，但依家冇所謂。」她又開心透露《忘記我自己》MV在一年內達到一千萬點擊率。