瑞士開工曹永廉蕭正楠思鄉食厭西餐 杯麵炒到$400！
曹永廉、蕭正楠與姚子羚、胡定欣這兩對「閨蜜」齊齊到瑞士拍特輯，面對靚景當然開心，不過阿廉和阿蕭不習慣當地食物，杯麵竟成為珍品，笑言炒價達50瑞士法郎（約400港元）！
曹永廉（阿廉）、蕭正楠、姚子羚和胡定欣現正在瑞士拍攝無綫旅遊特輯，連日來到不同景點，包括雪山、葡萄園及去餵羊。昨日阿廉受訪時說：「我哋上咗雪山，好大雪，環境相當靚。今次旅程好開心，周圍都好似畫一樣咁靚，唯一自己對食嗰方面開始唔係幾慣，餐餐都係意粉同麵包，大家已經思鄉病發，帶嚟嗰啲杯麵留番大時大節先捨得食。」
讚兩女將硬淨
在旁的阿蕭即笑言：「依家啲杯麵炒到50法郎一個呀！」阿廉又指多日旅程中玩雪最開心，眾人掟雪都掟了半小時，冇晒氣：「去啲靚景辛苦啲，要上山落山，係幾吃力嘅，體力勞動最辛苦，好在早排自己都有跑步同行山，都仲頂得住。」問到子羚和定欣兩位鋼條型女仔，體力是否比他們還好？阿廉說：「佢兩個好硬淨o架！你估喺雪山掟雪好容易呀，啲空氣好薄，好辛苦先掟到半個鐘，佢哋黐o架！」
唱歌扮Queen
此行他們亦有參觀英國殿堂級搖滾樂隊Queen於瑞士的Studio，向來演得又唱得的阿廉更扮唱歌，有他在真的為同伴帶來不少歡樂！