張致恒秘密操肌恨回復「小鮮肉」
組合BOYZ成員關智斌（Kenny）與張致恒（Steven）昨日到電台宣傳合體騷，受訪期間貫徹不停鬥嘴兼搞爛Gag，問到可有邀請嘉賓？Steven玩踢爆：「姓張嘅嘉賓會出現。」兩人又指雖然唔會騷肌，但Steven留有後路，指現時都有積極操肌，Kenny即揚言屆時會扒開對方的衣服：「佢話要畀番17歲嘅胴體！」搞到對方嗌晒救命澄清：「我係話17歲嘅樣咋！」
講到同居一日的宣傳短片，兩人想不到有如此大回響，隨後可會拍真人騷？Kenny大爆「真相」：「其實係驚啲飛賣唔去先拍，點知依家喧賓奪主咗！仲有人叫我哋淨着圍裙唔着衫煮餸。」Steven即提議叫「Cook Guys」，認真爆笑！