黃翠如遭「活埋」冇衫換周身痕

藝人黃翠如、森美昨日到錦田郊區拍攝無綫劇《過街英雄》一場活埋戲份，講述翠如與吳嘉儀、唐嘉麟被壞人活埋，森美遲遲前來營救，三人在泥坑內將頭伸出木板，再被泥埋住，動彈不得相當狼狽，袖手旁觀的森美抵死地在後面V晒手，場面搞笑！
黃翠如被泥埋足成日，靚女慘變花面貓。
黃翠如被泥埋足成日，靚女慘變花面貓。

身穿白色衫褲的翠如早上已拍了一次被埋戲，全身污糟沾滿泥巴，因忘了帶內衣褲更換，要死頂全日：「成身都係泥！仲『入晒去』！大家最擔心係紅火蟻，依家我都痕痕哋，應該係有蝨。」

森美日前拍跳車戲受傷拗柴，昨日他包住腳繼續開工：「依家日日做磁力共振、物理治療，希望下星期跑得番。」又透露昨日是太太生日，自己要全日開工，幸好前日獲翠如做軍師叫他買定禮物。

吳嘉儀（左起）、黃翠如及唐嘉麟「受刑」，森美喺後面整古做怪。
  • 吳嘉儀（左起）、黃翠如及唐嘉麟「受刑」，森美喺後面整古做怪。
翠如個頭被泥埋住，好辛苦咁款。
  • 翠如個頭被泥埋住，好辛苦咁款。