考牌做香薰治療師 蘇菲搵家人做「白老鼠」

樂壇新人蘇菲早前修讀香薰課程，擁有專業香薰治療師牌照。她表示自小很喜歡香味，有一次與朋友食飯時，得悉精油除有香味外，還有醫病功效：「我覺得好有興趣，上網搵咗啲資料，睇到有個文憑課程，所以去咗讀。」她指花了一年半時間考牌，除了香薰範疇外，連解剖學、實踐按摩都要學，準備考試時亦有找家人練習，例如按摩或調配精油給他們試用。
蘇菲讀香薰治療師課程時，要學埋解剖及按摩。
蘇菲讀香薰治療師課程時，要學埋解剖及按摩。

她表示一直有用精油：「基本上用喺護膚品上，亦有應用喺日常生活上，例如擦傷止血、防止有疤痕，用精油都有幫助。」問到可想賣自家製的產品？她雖然想，但因要花很多時間及心思研究配方，怕分身不暇。她又指目標是開一間Spa店：「配合香薰治療，可能按摩油係為客人度身訂造。」

蘇菲很喜歡聞香味。
  • 蘇菲很喜歡聞香味。
蘇菲曾上節目示範調配精油。
  • 蘇菲曾上節目示範調配精油。