龔嘉欣打到周身傷（抓）止痛貼廣告

龔嘉欣一改嬌柔形象，演殺氣騰騰的打女。

龔嘉欣、黎耀祥及陳國峰昨日為無綫新劇《殺手》拍外景，劇情講述陳國峰拿斧頭於街頭突襲手無寸鐵的嘉欣，場面驚險。日復日不停打的嘉欣，日前頂不住要黐止痛貼，她說：「已經傷到冇感覺，瘀咗都唔知，依家最傷係對腳，因為冇得墊，背脊就肌肉拉傷，希望可以（抓）吓止痛貼廣告同去疤產品就好嘞！」

談到近期身形弗爆，嘉欣直言最滿意馬甲線：「原來真係會操上癮，我每晚都會照鏡，摸吓腹肌，好自戀。同埋就算幾夜收工，返屋企都會操完先瞓，朋友建議我拍完套劇影輯相，紀念呢條馬甲線。」

黎耀祥傷膝 苦練腹肌

而黎耀祥則表示除了瘀傷，更因拍追逐戲而跑到膝蓋腫，他說：「平時少做運動，又冇熱身，搞到韌帶發炎。（下次仲拍唔拍打戲？）唔拍啦，但如果多錢就梗係拍啦！」更指拍攝該劇以來瘦了8磅，現正苦練腹肌，雖然已見兩、三舊，但寄望腹肌數目能多一倍，他說：「要戒口，但我堅持唔到咁耐，始終有層脂肪喺面，但呢個體重已經係我10年前o架嘞！」

拉傷背肌的龔嘉欣，狂黐止痛貼。	陳國峰拿斧頭劈嘉欣，好彩閃得切。	黎耀祥自言瘦了8磅，可惜仍肚凸凸。