「投訴」老公忘記生日 葉翠翠慣咗畀囝囝搶Fo
於9月10日度過37歲生日的藝人葉翠翠，昨日與100位粉絲舉行慈善生日派對，丈夫Raymond帶同一歲半大仔及兩個多月大的細仔撐場，大仔甚受現場粉絲歡迎，紛紛逗他玩及合照。
翠翠透露會把生日會費用全數捐助毛孩慈善團體，對於大仔成為全場焦點，她說：「好似佢係主角多過我，不過都接受咗呢個事實，平時甫佢啲相（於社交網），畀Like都多過我幾倍。」談到丈夫有何表示？翠翠即踢爆對方忘記了其生日，連一句祝福說話也沒有：「佢有話會補送，但只係一星期前買咗個蛋糕返嚟，唱生日歌時大仔好開心，以為同佢慶祝，好搞笑。（追多個女？）會冇命o架！真係好攰，雖然鍾意女，但唔會刻意去追。」
