楊怡爆林峯有婚數

林峯、馬國明、楊怡、陳煒、黃浩然、黃翠如、黃嘉樂等前晚出席活動。日前林峯到江蘇鹽城陪女友張馨月出席其弟的婚禮，雖然從深圳趕返港現身活動的他未有受訪，但相信與女友感情明顯邁進一大步。

而楊怡早前與林峯及多位同期訓練班老友楊明、張美妮等相約飯局，問她有否見過張馨月時，她笑言當日沒有人攜眷，並說：「我驚講錯嘢！（見過未？）都有。（林峯出席女友細佬嘅婚禮？）哦！好事，我見過一次，印象好好、好Nice，同我哋班朋友傾偈幾投契，我唔講咁多喇！（戥佢開心﹖）梗係，每次見到佢都叫佢快啲結婚，都差唔多啦，係時候！但佢唔會聽我哋講，佢有自己主意，唔使逼。」

被催生B嗌好驚

她並透露老公羅仲謙已在內地拍完電影，之後會留港拍戲。問到豈不是「造人」機會大增？她笑說：「承你貴言！唔好咁啦，次次都講呢個話題，我走先喇！（有壓力？）冇嘅，但次次都問呢個問題，好驚！」講到有份參演的劇集《再創世紀》收視平平，她表示沒有失望，認為收視控制不了，最重要是有口碑。

陳煒：同千嬅係閨蜜

另外，與楊千嬅拍劇爆是非的陳煒，否認對方開工經常遲到，更讚千嬅是很有品德的演員，她說：「真係多事之秋，唔知邊度傳出嚟，我同千嬅、朱晨麗戲裏面係閨蜜，現實都係，佢疊住兩套開工，但都冇話度期，一埋位就係一個好醒嘅人。」10月再開劇的她表示，即使有小休也找不到人陪她旅行，但就買了卡拉OK機，惟有在家練歌。

黃翠如悉心打扮現身。	黃浩然、馬國明及黃嘉樂齊齊畀Like。	陳煒笑言冇人陪出遊，惟有匿屋企練歌喉。