劉文俊：最討厭叫我茄喱啡

劉文俊十四歲入行，演出過無數的奸角，偷呃拐騙姦淫擄掠無惡不作，早被觀眾定位。雖然他多年擔任臨時演員為主，不過他從來沒看輕自己，認為大家應要學懂對他們有一份尊重：「咩奸角都做過，冇一次係做好人，我記得有一次同一個婆婆一齊入升降機，佢一見到我即刻行返出去。不過最令我討厭嘅三個字就係人哋叫我做『茄喱啡』，我覺得講呢啲說話嘅人係冇受過教育，大家要識得咩叫做尊重。」又透露最難忘與影星萬梓良合作，其出色演技令人敬佩，使他獲益良多。

嘆某藝人忘恩負義

入行多年的劉文俊，曾遭受無數白眼，亦感受到圈中的人情冷暖，令他更為無奈：「有個男藝人，我試過幫咗佢，點知換轉頭佢乜都唔記得晒，就算佢結婚都冇請我飲，最搞笑係我同佢嘅共同朋友全部都有請，淨係冇請我，對住佢哋藝人有時覺得好灰，有事就會搵你，冇事就好似唔識。」此經歷令他更明白要做好自己，無愧於心。