小塵埃開騷雪前恥

出道五年的組合小塵埃將於10月底舉行首個售票音樂會，他們感觸地指這是最好的圓夢時間︰「過往經歷過冇信心、做得未夠好嘅時間，依家喺唔同挫折之中，慢慢搵到喜樂泉源，今次亦係好好嘅機會同鍾意我哋嘅朋友交流，回饋番佢哋。」

講到曾在音樂頒獎禮上演出失準，令網民大嗌救命，問到可會借開騷「雪恥」？Pollie坦承那次表現最差，不會用任何藉口掩飾︰「嗰次係一個好大嘅反省，畀自己諗可以點樣改進，但音樂唔係用嚟證明自己嘅能力，係表達方式，之後都會繼續努力。」