柯嘉琪做女強人唔驚嚇走Mr.Right

柯嘉琪給人知性形象，今年可謂她蛻變的一年，將工作重心轉移到幕後製作，與友人Barry開辦活動策劃及製作公司，半年時間發展順利。

兼顧演藝事業

Kiko表示近月先後籌備記者會、活動及舉辦澳門、柬埔寨考察團，當中有活動請來方中信、黃翠如及衛詩雅等藝人做嘉賓，最深刻是在澳門舉行五千觀眾的演唱會，邀得歌手李克勤及內地歌手吳莫愁演出，Kiko說：「係好好嘅經驗，同團隊一齊幾日冇咩點瞓，大家都盡心盡力，跟住我哋又飛去柬埔寨舉行海外考察團，要親身同當地政府接洽，係好大挑戰。」

問到為何想轉營做生意？她說：「之前搞過飲食生意，我碩士係修讀Marketing，希望學以致用，跟住識到拍檔Barry後一拍即合。（點分配幕前幕後工作？）想繼續兼顧演藝事業，有時拍攝認識到幕後朋友，之後都可以有其他合作。」

目標做到上市

半年生意額逾一千萬，令Kiko更有雄心，目標有日成為上市公司，近月便揼本投資天台場地用作之後搞活動之用。她又計劃北望神州接洽內地工作，已加入中小企工商聯合會及成為廣東省商務委員會副主席。問到如此忙碌豈非沒時間拍拖？她說：「感情順其自然，可能隨時有Mr.Right出現呢！」

柯嘉琪	柯嘉琪（右二）搞活動，請來李克勤演出。

場地：Nexus Bar & Restaurant