森美擋櫈木屑四散為翠如「開眼頭」

黃翠如今次拍劇，吃盡苦頭，打到半邊身好痛。

藝人黃翠如、森美、譚凱琪、江嘉敏與周志康等，昨日到電視城出席新劇《過街英雄》拜神。森美第三度為TVB拍劇，自言是戲份最多的一次：「好似好多戲咁，其實係睇翠如開工，我就可以返屋企先。」翠如指因為森美在電台另有工作，經常為他頂替清晨的通告。

二樓飛落街

他倆在劇中同樣動作連場，翠如更要從二樓飛落街，問到有否受傷？她說：「打到半邊身好痛囉！其實中間有替身，我唔講大話o架！」當森美拍攝一場用手擋木櫈的打戲時，木屑四濺令翠如眼睛遭殃，她說：「劇組話唔可以用手捽，開頭痛，然後矇，之後冇乜嘢，係隻眼大咗！」森美即取笑她猶如做了美容手術「開眼頭」將眼睛整大。

自誇獲武指大讚

至於森美亦撞傷膊頭及扭傷手，動作連場自誇獲武指讚賞：「佢話唔好做太好，唔係替身冇工開喎！（太太冇投訴？）佢打風都叫我開工，睇怕退休都唔可以返屋企，要喺公園坐先掂！」

森美、翠如擺出動作甫士，唔打得都睇得。

譚凱琪負責騷美腿。