郭富城減少應酬開心做湊女公
被指再做老竇的郭富城，早前接受電影專訪，心情大佳的他，喜悅之情已泛於臉上。現年52歲的他，成家立室後有了很多新體會，能於這個年紀做爸爸是上天的恩賜，有了家庭之後，開心指數爆燈！
影帝郭富城入行逾30年，一直為事業打拚，直至去年成為人夫及爸爸後，幸福笑容經常掛在嘴邊，感覺比以前更開心。他坦言以往愛參與朋友聚會，如今則經常留在家中，更直言小朋友是上天的恩賜。
外間盛傳他太太方媛再度懷孕，近日忙宣傳新片《無雙》的他心情勁靚，雖然未有透露是否再做老竇，但一講起最愛的電影依然滔滔不絕。他表示能與兒時偶像周潤發於新片鬥戲，其表現絕不失禮：「發哥嘅《秋天的童話》係經典中嘅經典，今次導演莊文強好識揀，將發哥喺《英雄本色》嘅雙槍雄姿同《縱橫四海》嘅悠閒帥氣拍晒出嚟，我去到現場就要投入，冇得怯。」一人分飾兩角的他坦言，最難是拿捏情緒：「我最忟係喺泰國拍外景時，其中一日我要飛去第二度表演，返到嚟嗰朝早我要拍一場重頭戲，點知失準，我即刻同導演要求重拍，前後拍咗三次先得，好彩布景未拆。」
發完脾氣都唔知
剛拍完電影《麥路人》的他坦言，拍《無》片比較輕鬆：「呢套戲個角色某程度上係個天才，亦富有到可以周圍遊歷，但《麥》片係講緊個冇錢、冇家嘅人，情緒上好辛苦，可能有時發咗脾氣都唔知。」