秦嵐董潔駕到Friend住睇騷

「富察王后」秦嵐到米蘭時裝周朝聖，變身時尚達人！

兩大宮廷劇《延禧攻略》及《如懿傳》鬥出國際，在劇中同樣演「富察王后」的秦嵐和董潔昨日在米蘭時裝周正面交鋒，並被大會安排坐前行外，更撞Boots及耳環，兩人言談甚歡，同樣散發王后的霸氣，不分高下，成為全場集郵焦點！而秦嵐是次行程緊密，要連趕多場品牌的時裝騷，當中更被意大利品牌Max Mara邀請睇騷，同場更有「影后」鄧麗欣（Stephy）以及「最索星二代」林愷鈴（Ashley）等。

着慣古裝的秦嵐以品牌標誌性的駝色打扮示人，搖身一變時尚達人，凸顯成熟女人味。在時裝周期間，她更遇上在劇中陷害她的「純妃」王媛可，二人一見面「化敵為友」即互相擁抱，傾個不停！

Stephy寓工作於拍拖

而正與台灣男星邱勝翊（王子）蜜運中的Stephy，有愛情滋潤分外明艷照人，並坦言幸運地與男友寓工作於拍拖，二人將會齊齊出席巴黎時裝周，雖然不是一同睇騷，已令她十分開心：「會抽時間食飯見個面。」此外，Ashley亦在媽媽龔慈恩陪同下睇騷，身為建築系學生的她，除睇靚衫之餘更留意如何將時裝融入建築物中，令她大開眼界。

秦嵐（右）與董潔兩個「富察王后」同場睇騷，經典！	Stephy睇時裝騷，擺Pose都型過人！	林愷鈴（左起）與郭慶彬排排坐睇騷。

至於星級造型師郭慶彬（Ricky Kwok）亦是座上客之一，他大讚Ashley漂亮：「佢真係好靚、好眼前一亮，好有大家閨秀、斯文感覺。」他又指秦嵐卸下古裝後竟然認不出她，大讚她打扮感覺清新。