怕捱夜傷皮膚劉心悠嫌劇長唔願接

藝人劉心悠昨日與林穎彤拍攝護膚品牌廣告，近日中了古裝劇「劇」毒的心悠狂煲《延禧攻略》與《如懿傳》，覺得這劇種可以脫離現代，雖然有意挑戰，但對分分鐘要拍足70集至90集，即牙痛咁聲：「拍成九個月，見啲演員狀態都咁好，但都好甘，真係Chur。（唔敢接長劇拍？）要鍛煉自己先，以前拍無綫劇試過兩日冇瞓，皮膚即刻差啲，但聽講有人七日冇瞓。」心悠又自爆早上疑因空肚飲黑咖啡，令身體出現顫抖，近日還慘受皮膚敏感影響，搞到睡不好連護膚效果都減半。